週日的海下灣
諗住人少少，週日帶豬豬再闖海下灣。點知，點知都係好多人呀。好多人划獨木舟。難道，難道大家同我一樣？都係無業遊民？
今次豬豬大膽咗，仲試圖徒手捉水裏面嘅魚。海下灣大灘啲魚真係好大條， 頂～每次畀咬到都超級痛。
上次我提供嘅資訊有錯誤，原來海下灣唔係完全禁止攜帶狗隻。逢星期六、日及公眾假期， 上午十時至五時唔可以帶狗。由於今日係週日，好多外籍人士都帶咗洋狗。
豬豬跟媽媽一樣都係超級喜歡毛孩， 每次發現毛孩都會哈哈大笑，仲跑嚟跑去追啲大洋狗。
終於要回家，豬豬要午睡了。從海下灣坐綠的返西貢碼頭(車費$115) ，再食fish and chip 作為是日完美嘅句號。
返到屋企被婆婆D到飛起 ，話豬豬曬黑就唔靚，成日捉佢去海灘曬太陽。老人家對粉白嬌嫩嘅皮膚係特別執著。
#海下灣 #西貢 #親子好去處 #暑假好去處 #親子活動 #西貢沙灘 #沙灘 #游水 #海下灣海岸公園 #海下 #西貢好去處 #親子活動
Search